Luan Rama reagon për rastin Tahiri: Prova e Kuvendit, me ligin apo me krimin?!

Zëvendëskryetari i LSI-së, Luan Rama reagon pas vendimit të dyzuar të Komisionit të Mandateve për rastin e ish- ministrit Saimir Tahiri.

Rama shkruan se tashmë Kuvendi është përballë provës të dëshmojë nëse është me ligjin apo me krimin e organizuar.

“Shteti përballë grupit të strukturuar kriminal,

Ligji përballë krimit të organizuar!

Kuvendi përballë provës:

në anën e ligjit apo me krimin e organizuar;

në mbrojtje të shtetit apo në shërbim të grupit të strukturuar kriminal;

për reformën nē drejtësi apo për pandëshkueshmërinë?...”, shkruan ai.

Gjatë mbledhjes së djeshme të Komisionit të Mandateve dhe Imunitetit nuk u gjet gjuha e përbashkët për kërkesën e prokuorisë rreth mandatit të Saimir Tahirit.

Opozita me 5 anëtarët e saj votoi pro heqjes së imunitetit, ndërsa mazhoranca pretendon se prokuroria nuk ka prova për arrestimin e tij.

Në sancën e ditës së mërkurë vendoset për fatin e ish- ministrit të Brendshëm.

(Kosova Sot)