Kapet në Selanik 55 vjeçari shqiptar i dënuar me 18 vite burg më 1999
Një 55-vjeçar shqiptar i dënuar me 18 vite burg për vrasje të mbetur në tentativë është arrestuar nga policia greke në Selanik.
Në pranga ka përfunduar Hashim Isufi, banues në Ferraj, Tiranë.
Arrestimi i tij u bë një ditë më parë (31 tetor), teksa ishte shpallur në kërkim ndërkombëtar nga Interpoli për vrasje me paramendim, ngjarje e ndodhur 19 vite më parë.
Ky shtetas është dënuar më 4 maj të vitit 1999 me 18 vite burgim.
Përmbledhje e ngjarjes së ndodhur sipas policisë:
Në datë 05.03.1998, rreth orës 17:00, në fshatin Ferraj, Tiranë shtetasi Hashim Isufi ka qëlluar 3 herë me armë zjarri pistoletë në drejtim të shtetasit L. V, i cili si pasojë e të shtënave ka mbetur i plagosur rëndë.
Shtetasi Hashim Isufi i është afruar shtetasit të plagosur dhe ka tentuar ta qëllojë përsëri, por i është bllokuar arma e zjarrit dhe më pas është larguar me shpejtësi nga vendi i ngjarjes.
Kapja dhe arrestimi i tij në Selanik u bë për qëllim ekstradimi në Shqipëri.
(Kosova Sot)