< FMN parasheh rritje 4.3 për qind për vitin 2017, por e quan të paqëndrueshëm modelin ekonomik të Kosovës - Lajme - Kosova Sot
FMN parasheh rritje 4.3 pėr qind pėr vitin 2017, por e quan tė paqėndrueshėm modelin ekonomik tė Kosovės

FMN parasheh rritje 4.3 pėr qind pėr vitin 2017, por e quan tė paqėndrueshėm modelin ekonomik tė Kosovės

Fondi Monetar Ndërkombëtar po e rishikon parashikimin e tij për rritjen ekonomike të Kosovës në vitin 2017, por ende konsideron se modeli i saj ekonomik është i paqëndrueshëm.

Në një prononcim për agjencisnë e lajmeve Reuters, përfaqësuesi i FMN-së në Kosovë, Ruud Vermeulen ka thënë se ata kishin paraparë rritje prej 3.5 për qind por statistikat zyrtare tregojnë se ekonomia në Kosovë ka shënuar rritje prej 4.3 për qind në vitin 2017.

“Rritja është e lartë, por mbështetet në një model të paqëndrueshëm, i udhëhequr nga konsumi dhe investimet në sektorët jo të tregtueshëm, që para se gjithash, financohen nga remitencat, dhe si rezultat është papunësia e lartë dhe aktivitet i ulët”, ka thënë Vermeulen.

Llogaritet se remitencat nga afro 800 mijë kosovarë që jetojnë në vendet perëndimore e përbëjnë afro 13 % të prodhimit kombëtar.

(Kosova Sot)

13 orë e 52 minuta më parë