Një i vdekur dhe tre të lënduar në Nju Jork - Lajme - Kosova Sot
Një i vdekur dhe tre të lënduar në Nju Jork

Një i vdekur dhe tre të lënduar në Nju Jork

Një person ka mbetur i vdekur dhe tre të tjerë janë plagosur rëndë pasi janë goditur nga një i dyshuar me veturë në New York të Shteteve të Bashkuara të Amerikës, njofton Fox.

Policia në New York kanë thënë se vozitësi i ka shtypur me qëllim katër personat, por nuk bëhet fjalë për një sulm terrorist.

Pas kryerjes së krimit, i dyshuari është arratisur nga vendi i ngjarjes, ndërsa policia po vazhdon kërkimin e tij, për të cilin është njoftuar se ka flokë të gjata.

Sipas mediave lokale gjithçka ka ndodhur pasi fillimisht kishte pasur një kacafytje në një lokal aty afër.

Emrat dhe mosha e personave të shtypur me makinë nuk janë bërë të ditur ende.

Policia po vazhdon me hetimet rreth këtij rasti.

(Kosova Sot)

19 orë e 25 minuta më parë
22/04/18