E pabesueshme / Shikoni se si emigrantët tentojnë të kalojnë në Angli (Foto)

Të kapur pas tavanit të një kamioni, ndërsa ai drejtohej për në Londër ditën e sotme, këto dy burra janë pjesë e një tjetër vale emigrantësh që kaluan natën e 4-t të kaosit në Calais.

Refugjatët u fshehën nga policia në tavanin e një kamioni të madh ndërsa kaloi përmes tunelit  me shpejtësi 100 milje në orë.

Në Francë, policia me shkopinj gome dhe gaz lotsjellës luftuan një betejë të humbur ndërsa qindra emigrantë të dëshpëruar e tejkaluan policinë teksa përpiqeshin të ngjiteshin në trena e kamionë që drejtoheshin për në Mbretërinë e Bashkuar.

Pamje të tjera rrënqethëse tregojnë trazirat e krijuara në Francë, nga njëra anë janë emigrantët që duan me çdo kusht të shkojnë në Angli për një jetë më të mirë, ndërsa nga krahu tjetër është policia e cila nuk po i bën dot ballë numrit të madh të refugjatëve.

Kryeministri i Britanisë së Madhe, David Cameron premtoi se kësaj situate do t’i jepet fund në fund të verës.