Visar Ymeri shpërthen në akuza për grupin e Albin Kurtit - Lajme - Kosova Sot
Visar Ymeri shpërthen në akuza për grupin e Albin Kurtit

Visar Ymeri shpërthen në akuza për grupin e Albin Kurtit

Visar Ymeri para pak çastesh dha dorëheqje nga kryetari i Lëvizjes Vetëvendosje. Arsyeja e kësaj dorëheqje erdhi si pasojë e ngjarjeve të fundit në këtë parti. Ai tha se në Vetëvendosje një grup i thirrur në emër të Albin Kurtit kanë linçuar e kanë fyer ata që mendojnë ndryshe në parti.

Kryetari i deritanishëm i Vetëvendosjes tregoi arsyet e dorëheqjes së tij. Ai akuzat më të mëdha i ka për ata që, sipas Ymerit, kanë rrënuar frymën e Vetëvendosjen.

“Njerëzit që janë thirrur në emër të Albin Kurtit kanë linçuar e kanë fyer”, ka thënë Visar Ymeri.

Ymeri thotë se Lëvizja asnjëherë nuk ka pasur qëllim të vetërealizimit të pjesëtarëve të saj. Ndërsa ai shpjegoi gjendjen e përçarë të vitit të fundit nëpër të cilin kaloi Vetëvendosja.

 “Jap dorëheqje për shkak të paknaqësive të këtyre ndodhive. Shpresoj që kjo dorëheqje të kuptohet si alarm i atyre që përdorën metoda për linçim e insinuata”, tha Ymeri.

Ai tha se VV është krijuar në thelb ka qenë besnikëria ndaj konceptit politik dhe kjo nuk po qëndron, prandaj s’do të qëndrojë as ai në krye të partisë.

“Kohëve të fundit ka pasur intensitet të shpërfilljes sime si kryetar. Në këto rrethana është e pamundshme të veprosh. Shpresoj që kjo të kuptohet si alarm në gjendjen në të cilën kemi ardhur. Unë shpresoj që njërëzit këtu t’i thëerrasin mendjes e të mos e shkatërrojnë Lëvizjen për inate personale”, thë ndër të tjera Ymeri.

(Kosova Sot)

18 orë e 27 minuta më parë
27/04/18