Marrëdhëniet Shqipëri-SHBA, në fazë të re dhe cilësore - Lajme - Kosova Sot
Marrëdhëniet Shqipëri-SHBA, në fazë të re dhe cilësore

Marrëdhëniet Shqipëri-SHBA, në fazë të re dhe cilësore

Ministrja e Mbrojtjes së Shqipërisë, Olta Xhaçka, deklaroi sot se Shtetet e Bashkuara të Amerikës janë partneri kryesor strategjik i vendit në fushën e mbrojtjes.

Ajo me rastin e nderimit me “Medaljen e Mirënjohjes” të atasheut ushtarak amerikan në largim, Sam G. Wartell, nënvizoi faktin se këto marrëdhënie tashmë kanë hyrë në një fazë të re dhe më cilësore.

Ministrja e Mbrojtjes vlerësoi kontributin dyvjeçar të kapiten Wartell, në rritjen e mëtejshme të nivelit të bashkëpunimit në fushën e mbrojtjes dhe sigurisë midis Shqipërisë dhe Shteteve të Bashkuara të Amerikës.

“Qeveria e Shqipërisë dhe Ministria e Mbrojtjes është e angazhuar në një proces modernizimi të FA-së, me synim rritjen dhe përmirësimin cilësor të kapaciteteve operacionale të strukturave tona ushtarake dhe veçanërisht të atyre strukturave që janë pjesë e mbrojtjes kolektive të NATO”, tha ministrja Xhaçka.

(Kosova Sot)

12 orë e 27 minuta më parë
19/08/18