Në karrigen e Rugovës, nuk ulet më askush

Presidenti Ibrahim Rugova priste dhe përcjellte shumë vizitorë në rezidencën e tij, i ulur në karrigen e njëjtë. Ajo nuk përdoret më nga askush, madje as nga familjarët.

Çdo pjesë e zyrës së Rugovës mbetet akoma e paprekur si ishte më 21 janar të vitit 2006 kur ndërroi jetë Rugova.

Si dy vjet më parë, po njëjtë mbetet edhe sot gjendja në rezidencën e Rugovës. Fotografitë e kolegëve të vrarë e vendeve të ndryshme të Kosovës, e sidomos gurtë e çmuar që i preferonte t’I dhuronte, janë në vendin e njëjtë.

Familjarët tregojnë se si i ruajnë gjërat e presidentit, dhe tregojnë po ashtu për rëndësinë që kanë këto ambiente pasi, siç thonë ata, këtu nisen diskutimet për statusin e Kosovës, të cilat i sollën më pas pavarësinë shtetit që po udhëhiqte Rugova.

Ndryshe, Rugova vdiq më 21 janar të vitit 2006 pasi humbi luftën kundër kancerit në mushkëri.

(Kosova Sot)