Vdekja e nxënësit në Suharekë, rasti përfshihet në raportin 24 orësh të policisë
Policia e Kosovës përmes raportit 24 orësh ka dhënë detaje për vdekjen e një nxënësi nga Suhareka, të premten rreth orës 18:00.
Policia e ka cilësuar vdekjen si të dyshimtë, pasi rrethanat e vdekjes janë ende të panjohura.
“Vdekjen e ka konstatuar mjeku kujdestar në spitalin regjional të Prizrenit. Viktima nuk ka pasur në trup shenja dhune fizike, nuk dihet shkaku i vdekjes”, thuhet në raport.
Me vendim të prokurorit trupi i pa jetë i viktimës është dërguar për obduksion.
(Kosova Sot)