Ish-kandidati për Kryetar të Prishtinës i tregon Shpend Ahmetit si mbyllet tema e flamurit te rrethi

Besnik Tahiri, dikur kandidat i AAK’së për Kryetar të Prishtinës, i ka propozuar Shpend Ahmetit vendosjen edhe të një flamuri të Republikës te rrethi ku është i vendosur flamuri kombëtar. Në këtë formë, Tahiri ka thënë se mbyllet debati për respektimin e simboleve shtetërore dhe trajtimin e dinjitetshëm të simboleve kombëtare.

“Shpend A. Ahmeti, Sheshi Nënë Tereza veç ka marr ngjyrat e flamurit të vendit tonë duke i dhënë hijeshi qytetit. Të sugjeroj që të vendosësh edhe një shtizë tek rrethi bash përballë shtizës që e mban flamurin kombëtar dhe të mbyllet ky debat”, ka shkruar Tahiri.

Flamuri i Republikës së Kosovës ishte hequr nga rrethi në hyrje të Prishtinës kur kishte ardhur në krye të Prishtinës, Shpend Ahmeti.

Ndërkohë, Kryetari aktual i Prishtinës ka thënë se s’është përgjegjësi vendosja dhe as heqja e flamurit te rrethi.

Shpend Ahmeti s’ka treguar asnjëherë nëse është i shantazhuar nga Vetëvendosje për të mos e vendosure flamurin e Republikës së Kosovës. Partia e Albin  Kurtit nuk i ka pranuar asnjëherë simbolet e Republikës. Madje, edhe në Parlament kur deputetët e VV’së kanë bërë betimin para vetes e kanë vendosur flamurin kombëtar.

(Kosova Sot)