Kryesia mblidhet sot për të vendosur rreth seancës së Demarkacionit
Kryesia e Kuvendit do të mblidhet sot në orën 16:00 për të vendosur saktësisht se kur do të mbahet seanca ku në rend dite do të jetë çështja e ratifikimit të Demarkacionit me Malin e Zi
Kryeparlamentari, Kadri Veseli, këtë e bëri të ditur dje përmes Facebook-ut, nga ku edhe i ka ftuar deputetët që ta votojnë këtë marrëveshje.
Ai iu ka bërë thirrje deputetëve që të mendojnë për interesin e qytetarëve dhe ta përkrahin këtë marrëveshje, e cila, sipas tij, forcon sovranitetin e vendit dhe i hap rrugë liberalizimit të vizave.
(Kosova Sot)