Irani do t'i vazhdojë sulmet në Siri pavarësisht armëpushimit

  • 25 February 2018 - 14:20
Irani do t'i vazhdojë sulmet në Siri pavarësisht armëpushimit

Irani ka thënë se sulmet kundër “terroristëve”, jashtë Damaskut do të vazhdojnë, mirëpo Teherani dhe qeveria siriane do të respektojnë armëpushimin 30-ditor të OKB-së, në pjesën tjetër të territorit të Sirisë.

Shefi i stafit të ushtrisë iraniane, gjenerali, Mohammad Baqeri, është cituar të ketë thënë sipas agjencisë së lajmeve Tasnim, se Irani dhe Siria do të veprojnë në përputhshmëri me rezolutën e miratuar nga Këshilli i Sigurimit i OKB-së.

“Disa pjesë në periferi të Damaskut, të cilat kontrollohen nga terroristët, nuk janë të përfshira në armëpushim andaj operacioni i pastrimit do të vazhdojë atje”, është cituar të ketë thënë Baqeri.

Dëshmitarët dhe monitoruesit kanë thënë se dhuna është pakësuar dukshëm në zonat afër Damaskut, pas arritjes së marrëveshjes.

(Kosova Sot)