Nga fundjava, ndryshim drastik i motit - Lajme - Kosova Sot
Nga fundjava, ndryshim drastik i motit

Nga fundjava, ndryshim drastik i motit

Sipas parashikimeve të meteorologëve fundjava do përcillet me mot më të ngrohtë.

Ditëve të ardhshme me përmirësimin e motit dhe depërtimin e fushave të presionit të lartë, nuk pritet të kemi qarkullim të mjaftueshëm ajror, kështu që vlerat e indeksit AQI nga të mira dhe mesatare, gradualisht mund të rriten edhe në vlera të pashëndetshme.

Temperaturat e ajrit, deri në fundjavë do të rriten mbi vlera mesatare. Minimalet do të luhaten nga 2C deri në 6C, e maksimalet nga 9C deri në 17C.Të enjten do të fryejë erë mesatare drejtimesh të ndryshme, 3-6m/s, e nga e premta erë mesatare nga jugperëndimi 2-7m/s.Shtypja atmosferike do të rritet rreth vlerave normale, por në fillim të javës së ardhshme sërish pritet të pësojë rënie.

Më poshtë keni parashikimet e motit nga nesër (09 mars) deri më 12 mars.

9.03 – Mot i butë, paradite me vransira, e gjatë ditës dhe në mbrëmje priten kthjellime.

10.03-11.03 – Në fundjavë pritet të mbajë mot më i ngrohtë, kryesisht me diell. Gjatë orëve të mbrëmjes vransirat do të shtohen, e vende-vende priten edhe mundësi për reshje shiu.
12.03 – Mot i butë, me vransira dhe intervale me diell. Paradite dhe gjatë ditës me shi.

Image

 

(Kosova Sot)

3 orë e 49 minuta më parë
23/09/18