Haradinaj: Srpska s'ka kushte për demarkacionin, por u befasua që partitë shqiptare u pajtuan

Kryeministri Ramush Haradinaj është shprehu optimist se javën e ardhshme do të kryhet çështja e demarkacionit me Malin e Zi. Por Haradinaj nuk ka qartësuar se a do të jenë votat e Listës Serbe apo të Vetëvendosjes ato që do të mundësojnë kalimin e demarkacionit.

“Janë ndërtu shumë argumente që të kemi një votë të mjaftueshme për demarkacionin. Kemi diskuru me deputetët në radhë të parë të partive tona dhe emi në biseda me Listën Serbe dhe mendoj se ka bazë që të votohet nga të gjithë. Besoj se javën që vjen do e përmbyllim këtë temë”, tha Haradinaj.

“Ne kemi bërë një bisedë të sinqertë me Listën Serbe. Ata janë zënë në befasi se nuk e kanë prit që shqiptarët do të bien dakord edhe tani ata janë në shqyrtim e sipër të mundësisë për të përkrah këtë. Nuk është se kanë një refuzim të kësaj teme por jemi në biseda e sipër për mundësi. Unë i respektoj deputetët e Listës Serbe, jemi në biseda me ta që të ndihmojmë lirinë e lëvizjes për qytetarët e vendit’, tha Haradinaj.

“Plot serbë të Kosovë nuk kanë dokumente të Serbisë edhe ata janë të izoluar pra është interes edhe i serbëve të Kosovës’, theksoi ai.

(Kosova Sot)