Flasin familjarët e të vrarëve gjatë trazirave të marsit 2004
Në vitin 2004, ishin dy ditë të kobshme, brenda të cilave humbën jetën 19 persona. Ishin trazirat e 17 e 18 marsit, të cilat disa familjeve u shkaktuan humbje, e dikujt i mbetën si ditë krenarie.
Arife Çitaku thotë se nuk e përballon ta shikojë portretin e djalit të saj Feritit i vrarë në trazirat e marsit të 2004.
Jo shumë pas moshës që ka në këtë fotografi ajo edhe e pa për herë të fundit të birin.
Tani pas 14 vjetësh Arifja ndjen më shumë krenari se dhimbje për të birin e humbur por e mundon fakti se flijimi i tij nuk u vlerësua në nivel institucional.
Marsi i vitit 2004 u mori jetën edhe tre burrave të tjerë nga Mitrovica. Ndër ta ishte edhe Ajvaz Shatrolli.
Bashkëshortja e tij, Mukadesja rrëfen se burri i saj e kishte nisur ditën si çdo ditë tjetër për t’iu bashkuar më pas protestuesve.
Ndërsa bashkë me burrin e saj ishte vrarë edhe Isak Ibrahimi nga fshati Shipkovc.
Në trazirat e marsit 2004 mbetën të vrarë 19 persona prej tyre 11 shqiptarë e tetë serbë.
(Kosova Sot)