Hoxha diskuton me Avramopoulos: Përkrahje nga BE për liberalizim të vizave
Ministrja e Integrimit, Dhurata Hoxha ka njoftuar se sapo ka pasur një bisedë telefonike me Komisionerin e Bashkimit Europian për Migrim, Dimitris Avramopoulos, i cili, siç ka thënë ajo në një postim në Facebook, ka siguruar për mbështetjen e BE-së për Kosovën në procesin e liberalizimit të vizave.
“Sapo pata një bisedë telefonike me Komisionerin e Bashkimit Europian për Migrim, Dimitris Avramopoulos, i cili përgëzoi për Ratifikimin e Marrëveshjes për Shënimin e Kufirit me Malin e Zi.
Si mik i Kosovës, më siguroi se vendi ynë do ta ketë përkrahjen e plotë të tij dhe BE-së për liberalizimin e vizave. Gjithashtu, ofroi mbështetjen për procesin e integrimit të Kosovës në BE”, ka shkruar ajo.
(Kosova Sot)