Në SHBA ekzekutohet me injeksion vrasësi 83 vjeçar
Shteti i Alabamas ka ekzekutuar një 83 vjeçar të dënuar për vrasje me letër-bombë.
Ai është i burgosuri më i vjetër që është dënuar me vdekje në kohën moderne.
Autoritetet kanë thënë se Walter Leroy Moody Junior është ekzektuar me injeksion vdekjeprurës mbrëmjen e 19 prillit në Atmore, Alabama.
Zyrtarët e burgut kanë thënë se ai nuk ka bërë ndonjë deklaratë të fundit.
Ky rast përbën ekzekutimin e tetë këtë vit në Shtetet e Bashkuara.
Qendra Informuese për Dënimet me Vdekje ka thënë se burri i vrarë ëshë kthyer në të burgosurin më të vjetër që është përballur me këtë ndëshkim prej kthimit të ekzekutimeve në këtë shtet në vitet 1970.
Moody është dënuar për vrasjen e gjyqtarit, Robert S. Vance në Birmingam, Alabama më 1989.
Vance ka vdekur sapo ka hapur letrën në shtëpinë e tij.
Ai po ashtu është dënuar për një bombë që ka lënë të vdekur Robert E. Robinson, i cili ka qenë përkrahës i të drejtave të personave me ngjyrë nga Savannah.
(Kosova Sot)