Rrahje me grushte në mes të Xhavit Halitit dhe Arben Gashit (Foto/Video)

  • 18 May 2018 - 18:05
Rrahje me grushte në mes të Xhavit Halitit dhe Arben Gashit (Foto/Video)

Sharjet ndërmjet njëri tjetrit sot i realizuan me rrahje. Xhavit Haliti dhe Arben Gashi dje janë sharë ndërmjet vete edhe me fjalë banale ndërsa sot janë përleshur edhe fizikisht.

Ishte nënkryetari Xhavit Haliti ai i cili pasi që mbushi fletën e votimit për anëtarë të Gjykatës Kushtetuese e sulmon fizikisht deputetin Gashi.

Image

Veprimi i Halitit ishte i qëllimshëm ndërsa ishin deputetët ata që nuk lejuan që situata të eskalojë edhe më tej.

Në konflikt është përfshirë edhe deputeti i AAK-së Gani Dreshaj por i cili është ndaluar nga deputetët tjerë.

Pas kësaj kryetari i Kuvendit Kadri Veseli i ka lutur të gjithë deputetët që të konceptohen në proces të votimit.

“Iu respektoj shumë të gjithë por iu kisha lutur të gjithë për hir të familjeve dhe sakrificës që të ndalen sjelljet e pahijshme në Kuvend.”, ka thënë Veseli.
Gjithashtu, duhet kujtuar se përplasje verbale mes Halitit e Gashit kishte edhe në seancën e së enjtes.

Derisa Gashi kërkonte fjalën për t’iu kundërpërgjigjur akuzave të deputetit Milaim Zeka për LDK-në dhe Ibrahim Rugovën, kryesuesi Xhavit Haliti, nuk ia ka dhënë fjalën duke i thënë se askush nuk ia ka përmendur emirin.

Deputeti Gashi reagoi duke i thënë Halitit “Balosh ama fjalën”, ”mashtrues”, por dëgjohet edhe teksa i thotë “le të shkon në rrotë të samës”.
Atij iu ka kundërpërgjigjur kryesuesi Haliti, duke i thënë “qen bir qeni” dhe fjalë të tjera. 

(Kosova Sot)