Detaje nga shpërthimi në Miradi të Fushë Kosovës (Foto)
Nga shpërthimi i një rezervuari të kompanisë së derivateve ‘Al Petrol’ në fshatin Miradi, komuna e Fushë Kosovës, e kanë pësuar katër persona, të cilët kanë marrë lëndime trupore nga flakët, njëri në gjendje më të rëndë shkruan "Kosova Sot Online".
Nga ky shpërthim, e ka pësuar edhe vetë pronari i kompanisë, Lulzim Kryeziu, i cili ka marrë djegie në fytyrë, mirëpo është jashtë rrezikut për jetë.
Në vendin e ngjarjes gjenden të gjitha ekipet relevante dhe po merren me rastin.
Policia ka nisur evakuimin e personelit nga vendngjarja dhe varësisht nga rrjedha mund të bëhet edhe evakuimi i njerëzve.
(Kosova Sot)