Dy të rinj e nxorrën trupin e tij nga deti në Durrës, zbulohet identiteti i personit të mbytur (Video)
Një ngjarje e rëndë ka ndodhur këtë paradite në plazhin e Golemit në Durrës, ku një burrë i moshuar është nxjerrë i pajetë nga deti.
Trupin e 67 vjeçarit, të identifikuar tashmë si Lirim Hoxha, arritën ta nxjerrin dy djem të rinj. Policia ka dhënë detajet në lidhje me ngjarjen ndërsa dëshmitarët thanë se të rinjtë e kishin gjetur të vdekur të moshuarin në det.
“Më datë 18.06.2019, rreth orës 12:19, në plazhin e Golemit gjatë kohës që ka qenë duke u larë në det është mbytur aksidentalisht shtetasi L. H., 67 vjeç, banues në Tiranë. Në vendngjarje ndodhen shërbimet e policisë dhe ambulanca, po punohet për sqarim të mëtejshëm të rrethanave”, thuhet në njoftimin zyrtar.
(Kosova Sot)
Nxirret i pajetë në breg pushuesi, pamje horrori në Golem on Vidnews.