Vidhen bletët në Skenderaj

Një bletares nga Prellovci persona të panjohur ia morën 3 nga 20 koshere që i ka në këtë fshat të Skenderajt.

E ky veprim e preku fort prodhuesen e mjaltit, Selvete Nura.

‘Bletët i dua shumë. Janë bërë si pjesë e familjes. Çka kam pasur e kam ndarë me to. Ashtu siç i kam ushqyer fëmijët e mi ka qenë dhe për bletët”, thotë ajo.

Vjedhja i shkaktoi edhe dëm material.

“1 bletë shkon rreth 120 euro. Dëmi shkon deri në 360 euro’, shtoi ajo.

Vjedhjen e ka konfirmuar edhe zëdhënësi i policisë së Kosovës për rajonin e Mitrovicës Avni Zahiti.

Ai tha se njësitet përkatëse po e hetojnë rastin.

(Kosova Sot)