Arrestohet i gjithë komisariati i policisë për vrasjen e kandidatit për kryebashkiak
I gjithë rajoni i policisë prej 28 oficerësh, është arrestuar në qytetin perëndimor të Meksikës, Ocampo, pasi dyshohet se janë përfshirë në vrasjen e një kandidati për kryebashkiak vendor.
Të gjithë anëtarët e departamentit të policisë bashkiake të Ocampo janë marrë në paraburgim nga departamenti i punëve të brendshme të policisë, raportoi Reuters.
Mediat vendase thanë se dyshohet se ata ishin bashkëpunëtorë në vrasjen e Fernando Angeles Juarez, i cili po kandidonte për kryebashkiakun e Ocampo, një qytet i trazuar prej rreth 24,000 njerëzish.
Pasi Juarez u vra, autoritetet u përpoqën të kapnin Oscar Gonzalez Garcia, sekretari i sigurisë publike të Ocampo. Megjithatë, agjentët e sigurisë që u përpoqën të arrestojnë Garcian, u bllokuan nga 27 policë nën drejtimin e tij, njoftoi media lokale.
Të dielën e ardhshme, Meksika do të mbajë zgjedhjet presidenciale.
Fushata e këtij viti është një nga më të përgjakshmet në historinë e Meksikës, ku dhjetëra politikanë, kandidatë dhe aktivistë u vranë.
Në total, të paktën 113 politikanë janë vrarë në mes të shtatorit 2017 dhe majit 2018, sipas një studimi nga kompania e analizës së riskut Etellekt
(Kosova Sot)