Gjermania dëbon familjen shtatanëtarëshe nga Kosova në pikë të natës

Në natën e së martës në Oelsnitz është dëbuar një familje shtatanëtarëshe nga Kosova. Prindërit dhe pesë fëmijët ishin tërësisht të integruar – në fushën e punësimit dhe mbi të gjitha në klubin e futbollit SV Merkur.

“Ne nuk mund ta kuptojmë, as edhe punëtorët socialë”, tha këshilltarja e partisë së majtë Die Linken, Reiner Stöhr, rreth diskutimit aktual, se kush duhet ta lëshojë Gjermaninë dhe kush jo.

Familja kosovare kishte ardhur në Gjermani përpara tre vitesh, megjithatë Kosova u vendos në vendet me origjinë të sigurt. Nga Bajerni, Chemnitz dhe Plauen në fund familja shumanëtarëshe u vendos në Oelsnitz. Fëmija më i ri është lindur në Gjermani.

Familjes pasi nuk ju njoh azili, i pati kaluar edhe afati i “duldung”.

“Familja është marrë në dy të natës nga shtrati dhe është dëbuar”, thotë më tej Stöhr, e cila kishte ndjekur situatën. Ajo ka përcjellë familjen deri në Berlin, ku më pas kanë marrë aeroplanin për të fluturuar drejt Kosovës.

Babai përveç që fliste mirë gjuhën gjermane, punonte si përkthyes. Kurse tre djemtë e tij luanin me të rriturit e Merkur, kurse njëra vajzë aktivizohej me hendbollin e Oberlosaer.

Megjithatë, integrimi i një familje nuk mund të vendosë për të ardhmen e azilkërkuesve të vendeve me origjinë të sigurt. Për këtë Reiner Stöhr është e frustruar dhe e zemëruar.

“Duhet të pyesësh, se pse vjen deri te kjo mënyrë”, thotë në fund ajo.

(Kosova Sot)