Lavrov: Do t’i kërkojmë BE-së të bëjë presion mbi Kosovën

  • 21 August 2018 - 16:52
Lavrov: Do t’i kërkojmë BE-së të bëjë presion mbi Kosovën

Ministri i Jashtëm i Rusisë, Sergei Lavrov, ka thënë sot se Kosova ka dështuar që zbatojë marrëveshjet e arritura në Bruksel me Serbinë.

Ai i ka kërkuar nga Sochi, Bashkimit Evropian që të bëjë presion “te shqiptarët e Kosovës që këto marrëveshje të funksionaliziohen”, shkruan B92.

“E shohim qëndrimin konstruktiv të Beogradit në bisedimet me Prishtinën të ndërmjetësuar nga BE, por që nuk mund të themi të njëjtën për qëndrimin e shqiptarëve të Kosovës, pasi që ata s’po zbatojnë marrëveshjet e arritura shumë vjet më parë”, ka thënë Lavrov.

Derisa ka folur për çështjen Kosovë-Serbi, Lavrov ka theksuar se marrëdhëniet Rusi-Serbi janë për t’u vlerësuar.

 

(Kosova Sot)