Apeli ndryshon vendimin për Salih Mekajn dhe Vlora Goranin

Një kolegj i Gjykatës së Apelit, i përbërë nga tre anëtarë të Gjykatës Supreme të Kosovës të deleguar me anë të një vendimi nga ana e Këshillit Gjyqësor të Kosovës, ka aprovuar pjesshëm ankesën e të pandehurit Salih Mekaj, kundër aktvendimit për caktimin e masës së arrestit shtëpiak prej dy muajsh, nga ana e Gjykatës Themelore në Prishtinë.

Sipas një njoftimit të Gjykatës së Apelit, kolegji vendosi që kjo masë të ndryshohet dhe e njëjta t’i zëvendësohet me masën e ndalimit për t’iu ofruar vendit ose personit të caktuar me kohëzgjatja prej 2 muajsh.

“E njëjta masë e sigurisë, i është shqiptuar edhe të pandehurës tjetër të këtij rasti, V.G.Gjykata do të urdhëroi paraburgimin në rast se të pandehurit shkelin aktvendimin”, thuhet në njoftimin e Gjykatës së Apelit.

Salih Mekaj, po dyshohet nga ana e Prokurorisë Speciale e Kosovës, se ka kryer dy vepra penale keqpërdorim i pozitës apo autoritetit zyrtar dhe ushtrim të ndikimit.

Ndërsa, e pandehura V.G., për veprën penale dhënie e ryshfetit. 

(Kosova Sot)