Arrestohet edhe një aktivist i Vetëvendosjes
Në oborrin e Komunës së Prishtinës, rreth orës 22:00 u arrestua nga Policia e Kosovës, Salih Zyba.
VV-ja përmes një njoftimi për medie njofton se ai është arrestuar në mënyrë të dhunshme.
"Sipas punëtorëve të sigurimit të Komunës, dy policë civile u futën në oborrin e Komunës në mënyrë të jashtëligjshme dhe filluan ta godasin Salih Zyben derisa e arrestuan atë.
Policia e Kosovës duke i përcjellur me përpikëri kërcënimet e kryeministrit Isa Mustafa, po arreston secilin aktivist te VETEVENDOSJE!-s qe po e ndesh në rruge, pa asnjë justifikim.
Ky provokim po e tensionon situatën dhe po flet për panikun e madh të Qeverisë së Kosovës", thuhet në njoftimin e VV-së.
(Kosova Sot)