Merkel, Hollande dhe Putin synojnë një mbledhje të re mbi çështjen ukrainase

Angela Merkel, François Hollande dhe Vladimir Putin, të cilët zhvilluan sot një bisedë telefonike, gjykuan si të rendësishëm mbajtjen në javët që vijnë të një mbledhje që i dedikohet situatës në Ukrainë, sipas presidencës franceze.

“Shefi francez i shtetit, kancelarja gjermane dhe presidenti rus bënë një përmbledhje mbi situatën e aplikimit të masave të miratuara në Minsk në shkurt”, njoftoi presidenca në një komunikatë.

Një mbledhje mes François Hollande, Angela Merkel dhe presidentit ukrainas Petro Poroshenko e zhvilluar të hënën në Bruksel, pa praninë e Putinit, kishte ngjallur pyetje mbi arsyet e mungesës së tij pas një rifillimi të dhunës në lindjen separatiste proruse, ku Moska dhe Kievi nuk pranojnë përgjegjësitë.

“Për të vazhduar dialogun e tyre në përpjekje që të ulin dhunën, Merkel, Putin dhe Hollande njoftuan sot se një mbledhje e re do të ishte e nevojshme në javët që vjen”, sipas të njëjtës komunikatë.