Kryeministrja serbe, Pacollit: Ku e more lejen për të hyrë në ndërtesën e OKB'së?

  • 25 September 2018 - 21:29
Kryeministrja serbe, Pacollit: Ku e more lejen për të hyrë në ndërtesën e OKB'së?

Një 'incident' ndërmjet ministrit të Jashtëm të Kosovës, njëherësh zëvendëskryeministër i vendit, dhe kryeministres së Serbisë, Ana Bërnabiq, ka ndodhur brenda ndërtesës së Organizatës së Kombeve të Bashkuara, në Nju-Jork.

Udhëheqësja serbe ishte duke folur para gazetarëve, kur Pacolli i është afruar për ta përshëndetur. 

Bërnabiq e ka pyetur Pacollin se ku ka marrë leje për të hyrë brenda ndërtesës së OKB'së, ku Kosova nuk është anëtare. 

Pacolli është përgjigjur, duke i thënë: "E kam marrë nga ju".

Bërnabiq më pas është shprehur me fjalët: 'Po të pyetesha unë...'. Kësisoj, kryeminstrja serbe ka lënë të kuptohet se nuk do t'i jepte leje atij. 

Pas kësaj, Pacolli është larguar, duke u thënë gazetarëve serbë që Bërnabiq është zonjë e respektuar.

 

 

(Kosova Sot)