Aksident në Stanoc të Vushtrrisë, mbetet i vdekur një 18 vjeçar
Një 18 vjeçar ka humbur jetën mbrëmë rreth orës 23:00, si pasojë e goditjes nga një veturë në magjistralen Prishtinë – Mitrovicë, përkatësisht në fshatin Stanoc të Komunës së Vushtrrisë. Më këtë rast, numri i viktimave në aksidente trafiku shkon në më shumë se 70.
Rastin e ka konfirmuar, zëdhënësi i Policisë për Rajonin e Mitrovicës, Avni Zahiti.
Zahiti ka deklaruar se Policia e Kosovës është duke punuar në zbardhjen e plotë të këtij aksidenti, derisa vozitësi i automjetit është ndaluar në polici.
“Një 18 vjeçar, në cilësinë e këmbësorit, ka humbur jetën mbrëmë si pasojë e goditjes nga një automjet. Policia ka dalë menjëherë në vendin e ngjarjes dhe është duke punuar në zbardhjen e plotë të këtij aksidenti, ndërsa vozitësi i automjetit është ndaluar në polici”, ka thënë Zahiti.
Ndryshe, vetëm gjatë periudhës janar - tetor të këtij viti në Kosovë janë shkaktuar mbi 10 mijë aksidente, në të cilat mbi 70 persona kanë humbur jetën.
(Kosova Sot)