Shkarkohet Nazim Sahiti, eprori i policisë i përfshirë në rrahjen e Agron Mustafës

Është shkarkuar nga detyra e drejtorit të Krimeve Ekonomike në Policinë e Kosovës, Nazim Sahiti.

Burimet e mediave bëjnë të ditur se drejtori i Përgjithshëm i Policisë së Kosovës, Rashit Qalaj e ka shkarkuar drejtorin e deritanishëm të një prej drejtorive më të rëndësishme në këtë institucion, atë të krimeve Ekonomike.

Sahiti në dhjetor të vitit 2017 bashkë me kolegun e tij, Avni Berishën ishin përfshirë në rrahjen e menaxherit të Telekomit Agron Mustafës në qendër të Prishtinës.

Ai ishte kursyer nga drejtori i atëhershëm i policisë së Kosovës, Shpend Maxhuni, për ta suspenduar, siç kishte bërë me policin Avni Berishën.

(Kosova Sot)