Fillon ndërtimi i sheshit në Obiliq
Kryeministri Ramush Haradinaj e ka vizituar sot komunën e Obiliqit e cila udhëhiqet nga partia që e drejton ai. Haradinaj ka premtuar se investimet në këtë qytet do të vazhdojnë.
Haradinaj së bashku me kryetarin e komunës Xhafer Gashin kanë përuruar fillimin e ndërtimit të sheshit të qytetit.
Ndërtimi i këtij sheshi do të jetë një investim i përbashkët ndërmjet Qeverisë dhe komunës. Haradinaj ka premtuar se investimet në këtë qytet do të vazhdojnë.
“Me Ligjin për Obiliqin dhe investimet tjera, banorët e kësaj zone po shpërblehen më në fund. Investimet nga Qeveria do të vazhdojnë, që Obiliqi të transformohet në qytet modern”, ka shkruar Haradinaj në profilin e tij në Facebook.
(Kosova Sot)