Nënshkruhet memorandum mirëkuptimi për krizen e migrantëve

Maqedonia, Austria, Serbia dhe Hungaria në Ohër sot do të nënshkruajnë një memorandum mirëkuptimi për të ndërmarrë masat e nevojshme për përballimin e presionit ekstrem të krizës migruese e cila i prek këto vende.

Nënshkrim i dokumentit do të bëhet nga ministrat e brendshëm të Maqedonisë, Austrisë dhe Serbisë, Mitko Çavkov, Johana Mikl-Laitner, Nebojsha Stefanoviq si dhe përfaqësuesja e Ministrisë së Brendshme të Hungarisë, Kristina Berta.

Ministrja austriake Mikl-Laitner para se të nisej për në Ohër njoftoi se do të propozojë rritje të bashkëpunimit në drejtim të reduktimit të valës së emigrantëve përmes Ballkanit, transmeton RTV21.

Në takimin në Ohër do të shqyrtohen edhe masat për luftë të përbashkët kundër kontrabandës së njerëzve.