Ish-kryeministri i Maqedonisë, Nikolla Gruevski, është shpallur fajtor nga drejtësia në Maqedoni për keqpërdorim të parasë publike dhe është dënuar me dy vite burg.Por pas marrjes së këtij vendimi, Gruevski është larguar nga Maqedonia në drejtim të Hungarisë, shtet ku edhe po kërkon azil politik.
Për disa ditë me radhë policia maqedonase e ka kërkuar, për ta dërguar atë në burgun e Shutkës, por Gruevski kishte arritur që të ikte nga Maqedonia.
Derisa askush nuk e dinte vendndodhjen e tij, ai vetë është lajmëruar me një status në profilin e tij në facebook, duke treguar që gjendet në Hungari dhe se ka kërkuar atje azil politik.
Nëse kthehet në Maqedoni, ky është burgu i tmerrshëm ku ai pritet t’i kalojë 2 vitet e jetës së tij.
