Vuçiq dhe zyrtari i lartë gjerman flasin për dialogun e Brukselit

Presidenti i Serbisë, Aleksandar Vuçiq dhe Kryetari i Komisionit për Çështjet Evropiane në Bundestagun gjerman Gunther Krichbaum kanë diskutuar marrëdhëniet dypalëshe, dialogun midis Beogradit dhe Prishtinës dhe rrugën evropiane të Serbisë.

Kreu i shtetit serb theksoi se marrëdhëniet midis dy vendeve janë shumë të mira dhe se ato karakterizohen nga një bashkëpunim i rëndësishëm në të gjitha fushat, duke theksuar se orientimi strategjik i Serbisë është anëtarësimi i plotë në BE dhe se Serbia është plotësisht e angazhuar për zbatimin e reformave afatgjate.

(Kosova Sot)