Avokati i njohur plason “bombën”, ky politikan shqiptar ka gisht në arratisjen e Gruevskit: Këtë e di FBI...

  • 16 November 2018 - 15:07
Avokati i njohur plason “bombën”, ky politikan shqiptar ka gisht në arratisjen e Gruevskit: Këtë e di FBI...

Avokati i njohur nga Shqipëria, Spartak Ngjela, përmes një postimi në facebook ka komentuar arratisjen e ish kryeministrit të Maqedonisë, Nikolla Gruevski.

Sipas tij, me arratinë e tij, Gruevski e vërtetoi që është vjedhës. Ngjela thotë se presidenti Ilir Meta ka gisht në arratisjen e Gruevskit përmes Shqipërisë.

“Në Tiranë ka rënë zia. Miku i madh i Gruevskit, Meta, ndihet në hall se Gruevski u vërtetua nga policia shqiptare që ka dalë nga Shqipëria për të shkuar në Hungari.  Po Meta ka gisht? Këtë e di FBI. Nëse FBI ia ka vërtetuar, Meta duhet të japë dorëheqjen. Është një veprim tejet ordiner për një President.  Miqësia e Metës me Gruevskin në thelb është tërbim antishqiptar. Ishte Meta ai i cili i kërkoi Ali Ahmetit që ky të bashkohej me Gruevskin për t'i dhënë pushtetin këtij të fundit dhe jo Zaevit. Domethënë i kërko liderit shqiptar të Maqedonisë të ishte kundër shqiptarëve. Kurse Ali Ahmeti nuk e dëgjoi”, shkruan Ngjela.

Ky është postimi i plotë:

Gruevski i arratisur, me arratinë e tij, e vërtetoi që është vjedhës.

Por, që u arratis nëpërmjet Shqipërisë për në Hungari, mendohet se është ndihmuar nga korrupsioni i lartë shqiptar.

Në Tiranë ka rënë zia. Miku i madh i Gruevskit, Meta, ndihet në hall se Gruevski u vërtetua nga policia shqiptare që ka dalë nga Shqipëria për të shkuar në Hungari. 
Po Meta ka gisht?
Këtë e di FBI. Nëse FBI ia ka vërtetuar, Meta duhet të japë dorëheqjen. Është një veprim tejet ordiner për një President. 
Miqësia e Metës me Gruevskin në thelb është tërbim antishqiptar. Ishte Meta ai i cili i kërkoi Ali Ahmetit që ky të bashkohej me Gruevskin për t'i dhënë pushtetin këtij të fundit dhe jo Zaevit. Domethënë i kërko liderit shqiptar të Maqedonisë të ishte kundër shqiptarëve. Kurse Ali Ahmeti nuk e dëgjoi.

Po policia shqiptare, a mund ta provojë që Meta ka gisht ndihmues në arratinë e Gruevskit nëpërmjet territorit shqiptar?
Nëse Meta ka pasur gisht, këtë tani e di edhe policia shqiptare. Atëherë këtë e di edhe kryeministri Rama. Po Rama do ta denoncojë? Nëse e ka vërtetuar policia shqiptare nuk ka se çfarë të bëjë, sepse, pas këtij fakti, mosdenoncimi është me shumë pasoja negative për një kryeministër. Por gjithsesi, komedia qëndron se, po të jetë kapur Meta nga policia shqiptare në 
çështjen Gruevski, tani Meta është në mëshirën e zëvëndës ministrit të Brendshëm Lleshaj, të cilit i refuzoi emërimin si ministër . 
E shihni se sa qesharak bëhet korrupsioni shtetëror kur kapet nga ligji?

Gjithsesi, fati i të korruptuarit Gruevski, prite të jetë edhe fati i korrupsionit të larë shtetëror shqiptar. Është e njëjta histori, dhe është po e njëjta psikikë kriminale që ka drejtuar si Shqipërinë, ashtu edhe Maqedoninë, në këta njëzet vjetët e fundit.

 

(Kosova Sot)