Tre raste të dhunës ndaj grave në Prishtinë

Tre raste të dhunës ndaj bashkëshorteve janë raportuar në polici në 48 orët e fundit në Prishtinë.

Policia me anë të raportit ditor, ka sqaruar se vetëm në Prishtinë gjatë datave 17 dhe 18 nëntor janë raportuar tre raste të dhunës që burrat kanë ushtruar ndaj grave të tyre.

Në rastin e parë, një burrë është arrestuar pasi ka kërcënuar ish-bashkëshorten e tij.

Në rastin e dytë sipas policisë, burri i ka marrë telefonin ish-bashkëshortes së tij dhe më pas e ka sulmuar, ku viktima ka pësuar lëndime trupore.

Në rastin tjetër, gjatë ditës së djeshme, policia ka arrestuar burrin i cili kishte kërcënuar e më pas edhe rrahur bashkëshorten e tij.

Të dyshuarit me vendim të prokurorit janë dërguar në mbajtje.

(Kosova Sot)