Ish avokati i popullit: Pushteti po rrëshqet në diktaturë policore
Ish Avokati i Popullit, Sami Kurteshi, i cili sot ka aderuar në Lëvizjen Vetëvendosje, në një konferencë për media ka thënë se aderimi i tij në këtë lëvizje është krejt i natyrshëm.
“Arsyeja e aderimit në VV është një shtrat ku unë e gjej veten time”, ka thënë Kurteshi.
Ai ka komentuar edhe zhvillimet e fundit në vend, duke thënë se pushteti po rrëshqet në diktaturë policore duke ndjekur njerëzit që mendojnë ndryshe.
Ndërsa, ai ka theksuar se veprime e tij si Avokat I Popullit kanë qenë në përputhje me Kushtetutën.
I pyetur nëse do të jetë në protesta ka thënë se nuk ka arsye që të mos jetë pjesë e protestave që kanë qëllime fisnike dhe janë inkurajim për qytetarët.