Sot nis panairi “Blej Shqip”, në qendër të Prishtinës

  • 27 November 2015 - 08:27
Sot nis panairi “Blej Shqip”, në qendër të Prishtinës

Të blesh produkte vendore në qendër të Prishtinës, kjo është ideja e komunarëve të Prishtinës, që festën e flamurit dhe ditës së Pavarësisë së Shqipërisë qytetarët ta shënojnë me produkte shqiptare.

Është viti i dytë i këtij organizimi, i cili u tregua i suksesshëm në vitin e parë. Biznese të ndryshme prodhuese nga Kosova dhe Shqipëria do të prezantojnë produktet e tyre në qendër të qytetit për tre ditë me radhë, në kuadër të panairit “Blej Shqip”.

Panairi “Blej Shqip është realizuar në bashkëpunim me Ministrinë e Tregtisë, Zhvillimit Ekonomik, Turizmit dhe Sipërmarrjes, të Qeverisë së Republikës së Shqipërisë. Ky panair nis me 27 nëntor dhe do të zgjas deri më 29 nëntor. Panairi do të promovohet në sheshin “Skënderbeu” tek bulevardi “Nëna Terezë”.