Turqia ia dorëzon Rusisë trupin e pilotit të vrarë
Mediat turke raportojnë se kryeministri i këtij vendi Ahmet Davutoglu, ka deklaruar sot se trupi i pilotit të vrarë rusë i është dorëzuar autoriteteve turke, duke shtuar se pritet ti dorëzohet Rusisë.
Sipas Reuters, ai ka bërë të ditur se trupi i pajetë është trajtuar në përputhje me traditën ortodokse, transmeton lajmi.net.
“Trupi i pajetë i pilotit rusë na është dorëzuar mbrëmë, në pikën kufitare rreth orës 1:45. Në pajtim me traditën e tyre fetare, funeralin e ka mbajtur një prift ortodoks i krahinës Hataj”, ka shtuar Davutoglu.
Ambasada ruse në Turqi, ka konfirmuar për mediat se është planifikuar që trupi i pilotit rusë të arrijë në Ankara të dielën.
Piloti i aeroplanit Su-24 që ishte rrëzuar nga forcat ajrore turke në kufirin turko-sirian, ishte vrarë me armë zjarri nga toka derisa po zbriste me parashutë në tokë.