Deputeti i NISMA’s pro shkuarjes së Opozitës në takimin e Presidentes

Deputeti i NISMA për Kosovën, Zafir Berisha i ka këshilluar Ramush Haradinajn, Fatmir Limajn e Visar Ymerin të shkojnë në takimin e Presidentes të thirrur për të gjetur një zgjidhje për bllokadën politike.

Berisha ka thënë se liderët e opozitës duhet ta bindin Presidenten Atifete Jahjaga që vendi të shkojë në zgjedhje të parakohshme.

Vetëm në këtë mënyrë, Berisha ka thënë se mafiozët qeveritarë shkojnë në shtëpi.

 Ndryshe, Presidentja Atifete Jahjaga i ka ftuar liderët e të gjitha partive politike për një takim të përbashkët në përpjekje për të gjetur një zgjidhje për situatën e krijuar politike, ku opozita po e bllokon punën e Kuvendit. Në këtë takim, që do të mbahet të hënën, në orën 10, prezentë do të jetë edhe Ambasadori Amerikan, Greg Delawie.

Vetëm Ramush Haradinaj deri më tash ka konfirmuar pjesëmarrjen derisa Fatmir Limaj e Visar Ymeri kanë refuzuar pjesëmarrjen.

Lexojeni të plotë reagimin e tij: 

Opozita ka më shumë arsye që të shkojë se sa të mos shkojë në takim me presidenten. Kosova gjendet në krizë të thellë politike dhe instutucionale si rezultat i koalicionit të papërgjegjshëm PDK/LDK/SRPSKA, dhe për këtë ka muaj që opozita është duke reaguar me të gjitha metodat e mundshme demokratike dhe ligjore. Duke qenë në rrugën e zotit dhe shtetndërtimit, opozita ka arritë me marrë mbështetjen e madhe qytetare në kauzen e vet dhe me këtë ka paralizuar funksionimin e kësaj qeverie të demshme për interesat e vendit.

Ne rrugëtimin e vet të drejtë për mbrojtjen e kushtetutshmërisë dhe sovranitetit të vendit, opozita disa herë i është drejtu Presidentes, dhe hera e fundit që i është drejtu ka qenë pikërisht në funksion të përpjekjeve për dalje nga kriza duke kërku çuarjen e vendit në zgjedhje. Në funksion të këtyre përpjekjeve, opozita nuk duhet të humb në hapat vendimtarë për me nxjerrë vendin nga kriza, përballë një garniture të papërgjegjshme politike siç ështe blloku qeveritar.

Opozita duhet të shkojë në takim me presidenten dhe me gjuhën e fakteve dhe të argumenteve në prezencë të Isës dhe Hashimit duhet ta bindë presidenten ashtu siç e ka bindë qytetarin e vendit se pse është jetike me shku vendi në zgjedhje, sepse në të kundërtën mund të humben hapat drejt realizmit të nevojës që ka vendi për me e çu n'shpi këtë bandë mafioze qeveritare!

Z.B