Legjislativit i del gjumi për 'Trepçën'
Komisioni për Zhvillim Ekonomik, Infrastrukturë, Tregti dhe Industri, në mbledhjen e sotme, ka diskutuar për planin e punës së këtij komisioni për vitin 2016.
Në këtë mbledhje u vendos që ndër ligjet që do të disktutohen në këtë komision gjatë këtij viti, do të jetë Projektligji për ‘Trepçën’, i cili pritet të dskutohet në muajin qershor.
Anëtarët e Komisionit patën vërejtje lidhur me këtë ligj, pasi siç thanë ata ky ligj nuk ka qenë më herët në agjendën e legjislativit, raporton gazeta Kosova Sot Online.
Këto vërejtje I bëri deputeti Raif Qela, i cili e quajti joserioz mostrajtimin e këtij ligji deri më tani.
Ndër pikat tjera që u diskutuan sot ishin edhe Projetkligji për Patentë Shofer dhe shqyrtimi i raportit me amendamente i Projektligjit për Siguri në Punë në Veprimtarinë Minerare, i cili me ndryshimet e bëra, pritet të ofrojë siguri më të madhe në fushën minerare.
Ndërkaq, me propozimin e anëtarit të Komisionit Blerim Grainca, u vendos që çështja e ndryshimit në Ligjin për Derivate të naftës, të jetë në rend të ditës deri në fund të këtij muaji pas kërkesës së Shoqatës së Naftëatrëve.
Kjo e fundit pati akuzuar ministren Hykmete Bajrami, që me këtë ligj, po përpiqet të kontrabandojë në mënyrë që ligji u hap rrugë monopoleve.
(Kosova Sot)