Ali Ahmeti dhe Sadulla Duraku mund të thirren dëshmitarë për rastin e Kumanovës

  • 12 February 2016 - 12:50
Ali Ahmeti dhe Sadulla Duraku mund të thirren dëshmitarë për rastin e Kumanovës

Kryetari i BDI-së, Ali Ahmeti dhe nënkryetari i tij, Sadulla Duraku pritet të thirren dëshmitarë për rastin e 9 dhe 10 majit në Kumanovë. Burime nga Prokuroria dhe avokatët mbrojtës theksuan për INA se këta dy funksionarë të BDI-së nuk përjashtohen nga lista e dëshmitarëve në rastin e Kumanovës. “Po ata publikisht kanë deklaruar se kanë kontaktuar me grupin dhe nuk përjashtohet mundësia që të thirren dëshmitarë”, theksoi, njëri nga avokatët mbrojtës të grupit, duke theksuar se procedura e kërkon që këta dy protagonistë të dëshmojnë me versionin e tyre.

Ahmeti kishte deklaruar se në ditën e ngjarjeve të 9 majit ka kontaktuar me njërit nga anëtarët e grupit, ndërsa disa ditë më parë nënkryetari i BDI-së, Sadulla Duraku ishte takuar me njërin nga pjestarët e arrestuar të grupit. Duraku ka pranuar publikisht se disa ditë para 9 majit kishte takuar komandant Sokolin në Kosovë.

Përveç tyre do të thirren edhe institucionet e sigurisë, të cilët janë përmendur në bazë të disa materialeve të përgjimeve.

Por gjithë këto dëshmi dhe detaje do të duhet t’i kalojnë Prokurorisë Speciale, e cila siç pritet do të marrë nën hetim rastin.

(Kosova Sot)