Prokuroria sodit akuzat kriminale

  • 23 May 2015 - 08:23
Prokuroria sodit akuzat kriminale

Denoncimet parlamentare nuk mbërrijnë në organin e akuzës

Organeve të drejtësisë u kërkohet të veprojnë 

Pasiviteti i Prokurorisë para këtyre denoncimeve publike nuk ka se si të shpjegohet ndryshe, vetëm si mungesë guximi për veprim dhe nënshtrim ndaj politikës që qeveris vendin

Pavarësisht që në këtë legjislaturë të re të Kuvendit të Kosovës kanë filluar të shpeshtohen akuzat e deputetëve të ndryshëm për lidhjet e pushtetarëve me botën e krimit, veprimet praktike të hetimit të këtyre rasteve po mungojnë nga ana e Prokurorisë së shtetit. Deri më tani, ky fushëveprim i Prokurorisë po duket sikur të jetë bërë një mollë e ndaluar, qoftë nga mungesa e guximit për veprim, qoftë nga ndjenja e të qenit të kërcënuar dhe veprat e pushtetarëve të mëdhenj po i konsiderojnë tani të paprekshme. Vetë kreu i AKK-së, Hasan Preteni, analistët politikë dhe njohësit e sundimit të ligjit konsiderojnë se po patëm një sistem të pavarur dhe profesional të funksionimit të Prokurorisë, edhe në këto raste nuk do të duhej heshtur, por do të duhej vepruar me urgjencë për të hetuar secilin rast të apostrofimit publik, qoftë në medie apo edhe në seanca plenare, ngase kur flet deputeti, flet vetë zëri i qytetarit të këtij shteti...(Më gjerësisht mund t'a lexoni në numrin e sotëm të gazetës KOSOVA SOT)