Në Fier dyshohet për helmim në ujin e burimit

Katër persona me simptoma të helmimit janë paraqitur paraditen e së shtunës në spitalin rajonal të Fierit.

Helmimi dyshohet të ketë ardhur nga uji i burimit në njësinë administrative Frakull, në fshatin Kafaraj. Drejtoria e Shëndetit Publik në Fier ka marrë mostra nga ky ujë për t’i bërë analizat.

Ndërkohë, edhe vetë të shtruarit në pavijonin e sëmundjeve infektive dyshojnë se shqetësimet mund t’u kenë ardhur pikërisht nga uji i burimit, të cilin banorët e pinë prej shumë vitesh.

Mjekët e pavijonit thonë se të shtruarit po trajtohen me mjekim intensiv, pasi kanë diarre e të vjella, por mund të jetë dhe ndonjë virozë. Për të përcaktuar me saktësi shkakun do të pritet përgjigja e analizave ditën e hënë. 

(Kosova Sot)