Aksident në rrugën Milot-Burrel, dy të vdekur e dy të plagosur

Dy persona kanë humbur jetën dhe dy të tjerë janë plagosur pasi një furgon ka dalë nga rruga në dalje të tunelit të Shkopetit.

Informacionet paraprake bëjnë të ditur se ngjarja ka ndodhur rreth orës 13.30 në rrugën Milot- Burrel, në vendin e quajtur tuneli i Shkopetit, në dalje.

Automjeti tip Benz AA 923 FH ka dalë nga rruga, ndërsa policia e mbërritur në vendngjarje ka nisur hetimet për shkaqet.

Dy të plagosurit janë dërguar në spital për të marrë ndihmën mjekësore.

(Kosova Sot)