BE-ja dënon sulmin ndaj parlamentit irakian
Shefja evropiane e Diplomacisë, Federica Mogherini, dënoi sot sulmin ndaj Parlamentit irakian nga mijëra manifestues, duke paralajmëruar kundër një destabilizimi të mundshëm të vendit.
“Sulmi që ndodhi sot kundër Parlamentit irakian dhe dhuna e manifestimeve në Bagdad rrezikon të përkeqësojë një situatë të tensionuar”, deklaroi Mogherini, në një komunikatë.
Mogerini theksoi gjithashtu se “është urgjentisht e nevojshme të rikthehet sa më shpejt në rend (…) në interes të popullit irakian dhe të të gjithë rajonit që përballet me shumë kërcënime”.
Mijëra manifestues hynë sot në Zonën e Gjelbër në Bagdad dhe disa prej tyre filluan të bastisin Parlamentin irakian pas rrëzimit nga deputetët të qeverisë së re, sipas gazetarëve në terren.
(Kosova Sot)