AAK: Kalimi i kunatave Bujupi në VV, pazar i pandershëm politik

  • 01 May 2016 - 15:02
AAK: Kalimi i kunatave Bujupi në VV, pazar i pandershëm politik

Dega e Aleancës për Ardhmërinë e Kosovës në Istog ka ironizuar me kalimin e kryetares së deritashme të nëndegës së kësaj partie në Istog dhe asambleistes së Kuvendit Komunal, Lavdije Bujupaj në Lëvizjen Vetëvendosje.

AAK thotë se bëhet fjalë për kunatën e Donika Kadaj-Bujupi, e cila ditë më parë la AAK-në e Haradinajt për t’iu bashkuar Vetëvendosjes.

Partia e haradinajt këtë e ka cilësuar këtë si pazar të pandershëm politik.

“Sot paska kalu në VV edhe kunata, nga Istogu, e Donikës! Pas largimit të Ilir Dedës, VV-ja qenka forcuar ‘tmerrshëm’. Dega e AAK-së nē Istog, nuk shqetësohet pse pazaret e pandershme politike, që filluan me Donikën, po ‘shpërrallohen’ e po marrin epilog edhe me dofarë kunatash e familjarësh të saj”, thuhet në reagimin e AAK-së së Istogut.

“AAK-së po i bashkohen me dhjetëra anëtarë të rinj përditë, dhe kjo është fuqia jonë edhe në Istog. Në popull thonë, ‘është rrokullis tenxherja dhe e ka gjet kapakun’. Ky është shpjegimi ynë për kunatat ‘Bujupi’”, thuhet në reagim të AAK-së.

(Kosova Sot)