Në Prishtinë, festa e 1 majit kaloi pa ndonjë incident(Foto)

  • 01 May 2016 - 17:19
Në Prishtinë, festa e 1 majit kaloi pa ndonjë incident(Foto)

Komuna e Prishtinës është përkujdesur që festën e 1 majit qytetarët e saj ta kalojnë në parkun e Germisë.

Përmes një komunikatë për komuna ka njoftuar se kjo ditë ka kaluar pa ndonjë incident deri në momentin kur moti i keq e ndërpreu piknikun.

Lexoni njoftimin e plotë:

Me rastin e festës së 1 majit dhe daljes tradicionale të qytetarëve në parkun e Gërmisë për piknik, Komuna e Prishtinës siguroi të gjitha kushtet që Gërmia sot të jetë një ambient i sigurtë, ambient i pastër dhe e gatshme që t’i plotësojë të gjitha nevojat e qytetarëve.

Kësisoj, gjatë 24 orëve të fundit Drejtoria e Inspeksionit ka organizuar kujdestari në mënyrë që gjithçka të shkojë në rregull. Shitësit ambulantë janë vendosur në hapësirat e dedikuara për ta dhe nuk janë lejuar t’i zënë shtigjet apo hapësirat e gjelbëra, ndërsa shitësit kontrabandues e as organizatorët e të ashtuquajturave “Lojëra të Fatit” nuk janë lejuar të futen fare në Gërmi.

Drejtoria e Inspeksionit së bashku edhe me Drejtorinë e Shërbimeve Publike, Shërbimin e Urgjencave, Policinë,  Zjarrëfikësit, Ndihmën e Shpejtë, është siguruar që mos të ketë kalim të makinave, të sigurohet ambienti nga zjarri dhe në rast të ndonjë nevoje shëndetësore, shërbimi të jetë i menjëhershëm. Poashtu edhe Ndërmarrjet Komunale, “Hortikultura” e “Pastrimi” u përkujdesën që pastërtia të jetë në çdo nivel.

Deri në momentin kur moti i keq e ndërpreu piknikun, nuk është raportuar asnjë incident, përveç një lëndimi të lehtë të këmbës së një adoleshenti gjatë lojës

(Kosova Sot)

Image

Image

Image

Image