6 arsyet pse Rilindja Socialiste duhet dhe do të ndëshkohen më 25 qershor 2017

Shkruan: Skënder S. Kapiti

Argumentimin për këtë shkrim po e bëj në formë pyetësori

Për 50 vjet komunistët instaluan në Shqipëri Republikën Socialiste, ndërsa sot, Rilindja dhe rilindasit socialistë, pasardhësit dhe pinjollët e ishregjimit kanë instaluar Republikën e narko-shtetit.

Instaluan në Shqipëri Republikën e drogës

Si ndihen sot shqiptarët nga politika dhe nga pushteti? 1- I dështimit të luftës kundër korrupsionit, i mosintegrimit dhe i mosçeljes së bisedimeve për anëtarësimin e Shqipërisë për në BE, pra i izolimit. 2- Si ndihen votuesit dhe opinioni publik tani e 4 vite prej vazhdimësisë dhe rritjes së eksodit dhe prej politikës së pushtetit që e vendosi rininë shqiptare në krye të listës botërore që kërkon largimin nga atdheu, dhe Shqipërinë në vendin e dytë në botë pas Sierra Leones ku 56% e shqiptarëve kërkojnë të largohen prej pasigurisë dhe prej palumturish, që u ofrohet atyre në Shqipëri. 3- Si ndiheni nga pushteti dhe qeverisja që instaluan në Shqipëri Republikën e drogës, që ngriti narko-shtetin, i cili po kërcënon rëndë demokracinë, shtetin ligjor, sovranitetin kombëtar dhe ka bllokuar integrimin . 4- Si ndiheni nga qeverisja dhe nga pushteti i gënjeshtrave, i mashtrimeve dhe i papunësisë, i varfërisë dhe i korrupsionit më të lartë në rajon dhe në Evropë. 5 - Si ndiheni nga pushteti i vazhdimësisë dhe i thellimit të politikës së kriminalizuar, të pandëshkuar dhe si pushteti i sistemit të drejtësisë së padrejtësisë, të korrupsionit dhe të antiligjit. 6-Si ndihet vetë anëtarësia e PS nga tradhtia, nga aventurizmi, nga kapja dhe monopilizimi e privatizimi që i është bërë demokracisë dhe Partisë Socialiste prej klanit i të ashtuquajturës "Rilindje" dhe prej "rilindasve" të saj. Dhe po për shoqërinë kisha edhe një pyetje shtesë: Si ndihet dhe a është e mundur ta durojë dhe të pajtohet shoqëria shqiptare me këtë realitet të cilin ja ka imponuar asaj politika, kjo elita politike të cilën ajo e ka votuar e zgjedhur? Dhe, a do ta bëjë shoqëria dhe votuesi shqiptar ndëshkimin e kësaj "elite" politike parazitare dhe hajdute të demokracisë me votë më 25 qershor 2017, apo do t'i votojë përsëri po këta politikanë dhe po këtë lloj qeverisjeje e pushteti sidomos këtë të sotmin? Demokracia ia mundëson popullit të drejtën e zgjedhjes, por nëse shoqëria manipulohet, por ndoshta mund të thuhet edhe se, nëse shoqëria e pranon dhe pajtohet me korrupsionin, mashtrimet dhe gënjeshtrat dhe e zgjedh të paduhurën, të gabuarën, të kriminalizuarit, mashtrimin, korrupsionin, pra, të keqen, dhe i pranon e duron pasojat e tyre, atëherë ajo, pra shoqëria, me meritë vuan prej gabimit të vet, prej zgjedhjes së gabuar të bërë prej vetë saj. Dhe po e mbyll përsëri më pyetjen e titullit të këtij shkrimi se: A do ta ndëshkojnë apo jo shqiptarët elitën politike të dalë boje dhe jashtë mode dhe që ngriti dhe instaloi në Shqipëri Republikën e drogës? 

Populli do të duhej ta ndëshkonte ashpër Ramën

A do ta ndëshkojnë shqiptarët republikën e kanabisit të ngritur nga Rama dhe Rilindja e tij, dhe a do ta marrë në konsideratë populli shqiptar dëmin e madhe dhe të jashtëzakonshëm të këtij fakti të cituar edhe nga gazeta më prestigjioze në botë, 'New York Times', se: "Dëmi që Edi Rama i ka bërë Shqipërisë në këto katër vite është i pariparueshëm. Shqipëria është kthyer në Kolumbinë e Evropës". dhe vazhdon më tej duke kërkuar që: "Shqipëria të izolohet nëse vazhdon me këto praktika". Kjo, a nuk është një thirrje e pastër për ta ndëshkuar me votë me 25 qershor 2017 Ramën dhe Rilindjen e tij, në mënyrë që të mos izolohet Shqipëria, pasi këto praktika nuk i ndëshkon dhe as nuk i pengon dot ai, i cili i ka krijuar dhe zbatuar ato, e që është Rama, ky si shkaktar dhe autor i këtij dëmi të pariparueshëm nuk mundet pra, për t'i riparuar ato. Po, populli do të duhet ta ndëshkojnë ashpër madje atë, ashtu sikurse pothuajse po për këto arsye, por jo të këtij numri e mase, dhe jo të kësaj shkalle, votuesi shqiptar e ndëshkoi Partinë Demokratike para katër vitesh, në qershor 2013. Tani lidershipi i PS-së dhe pushteti i saj, do të duhet të ndëshkohet ashpër prej reagimit dhe gjykimit popullor me votë kundër politikës së saj të dështuar, të shterpëzuar dhe demode, politikë e cila i ka konsumuar të gjitha: patriotizmin dhe demokracinë false, korrupsionin, kultivimin e trafikimin e drogës, ligjin, mashtrimet e gënjeshtrat publike e politike, spekulimet, manipulimet, skenarët e xhambazllëqet e çdo lloji.

(Kosova Sot)