Nikki Haley ishte një sukses i madh i Trump-it në OKB - Opinione - Kosova Sot
Nikki Haley ishte një sukses i madh i Trump-it në OKB

Nikki Haley ishte një sukses i madh i Trump-it në OKB

Shkruan: Christian Whiton 

Do të ketë shumë spekulime se pse Haley ka zgjedhur këtë moment për të lënë administratën

Haley nuk luftoi vetëm për politikat e Trump-it. Ajo solli qartësi morale në një OKB që mbetet një grumbull gërryes i ekuivalencës morale dhe elitizmit globalist. Më e rëndësishmja, ajo nxori Shtetet e Bashkuara nga Këshilli i OKB-së për të Drejta të Njeriut (me emrin Orwellian), i cili llaston diktatorët dhe lufton aleatët e SHBA-së, sikur që është Izraeli
 

Nikki Haley do të mbahet mend si një nga ambasadorët më agresivë dhe më të suksesshëm të SHBA-së në Kombet e Bashkuara dhe mbetet një nga republikanët më ambiciozë dhe më të talentuar në skenën kombëtare. Ish-guvernatori i Karolinës së Jugut kishte pak përvojë formale të politikës së jashtme kur Presidenti Trump e përzgjodhi atë për pozitën e dytë më të lartë në Departamentin e Shtetit. Ajo anonte drejt neokonservatorëve pro-ndërhyrës politikisht të papëlqyeshëm, siç ishte senatori Marco Rubio, të cilin e mbështeti për president, si konkurrent i Trumpit. Por, ajo u adaptua dhe lulëzoi me shpejtësi - një proces që pata rastin për ta parë vet si këshilltar i medias në ekipin e tranzicionit të Trump-it duke ndihmuar kandidatët kryesorë të Departamentit të Shtetit, përfshirë Haleyn. Ky ishte fillimi i mandatit të saj në ditët e hershme dhe më të turbullta të administratës Trump, ku Haley ishte në ballë të politikave të reja që zhbënin dështimet e administratës së Obamës në Kinë, Iran, Korenë e Veriut, Rusi, tregtinë dhe ndryshimet klimatike.

Haley pëlqen të luftojë
Në ato ditë të hershme, u bë e qartë se talenti dhe magnetizmi që Haley kishte shfaqur në Karolinën e Jugut do të përkthehej mirë në skenën ndërkombëtare në emër të Amerikës. Qëndrueshmëria e saj ishte e dukshme dhe efektive. Thënë thjesht, Haley pëlqen të luftojë. Në fakt, ajo ndonjëherë buzëqesh kur lufton. Dhe, ajo kurrë nuk priti një leje nga dikush në Uashington për të luftuar - një tipar të cilin Trump thuhet se admironte dhe që kishte parë të mungonte te, tani, ish-sekretari i tij i shtetit, Rex Tillerson. Haley nuk luftoi vetëm për politikat e Trump-it. Ajo solli qartësi morale në një OKB që mbetet një grumbull gërryes i ekuivalencës morale dhe elitizmit globalist. Më e rëndësishmja, ajo nxorri Shtetet e Bashkuara nga Këshilli i OKB-së për të Drejta të Njeriut (me emrin Orwellian), i cili llaston diktatorët dhe lufton aleatët e SHBA-së, sikur që është Izraeli. Brenda administratës, Haley fitoi admirim të gjerë. Shumë mendonin se Trump e kishte zgjedhur atë ose për të 'kapur' një kundërshtar të mundshëm brenda partisë së tij, ose për të ngritur ish-guvernatorin e Karolinës së Jugut, Henry McMaster, një mbështetës i hershëm Trump - në postin e guvernatorit. Vëzhguesit më pak cinikë mendonin se Trump kishte parë talentin e Haleyt dhe donte që dikush në kryeqytetin e medias amerikane që kishte pushtet të madh, dhe jo një nga intelektualët e zakonshëm që shpesh shërbejnë si ambasador i SHBA në OKB. Do të ketë shumë spekulime se pse Haley ka zgjedhur këtë moment për të lënë administratën. Ashtu si me shumicën e analizave në Uashington sot, këto vlerësime do të korruptohen nga epshi i pashuar i medias për ta bërë Trump-in të duket keq, pavarësisht nga fakti. Ata do të thonë se Hailey po lë një anije që po fundoset, se privatisht e urren presidentin, ose nuk dëshiron të jetë aty nëse Shtëpia e Bardhë fillon përpjekjet tentative për të fajësuar Trump-in ose zyrtarë të tjerë - një pashmangshmëri nëse demokratët e radikalizuar fitojnë atë organ në zgjedhjet e muajit të ardhshëm. Mendimi im është se vendimi i Haley reflekton mirë te Trump. Askush nuk mund ta lexojë mendjen e Haleyt, por është e qartë se ajo është ambicioze dhe me gjasë ka ambicie për presidencë. Marrja e postit në OKB ia dha asaj përvojën e nevojshme kombëtare të sigurisë (por me një ndarje të mjaftueshme nga Uashingtoni) nëse Trump u pengua keq në mandatin e tij të parë dhe ka të ngjarë të përballet me një sfidues kryesor republikan në vitin 2020 - potencialisht Haileyn. Por, me ekonominë e zhurmshme të Trump-it dhe një varg suksesesh në tregti, në Gjykatën Supreme, reformën e taksave, liberalizimin dhe mbrojtjen e Amerikës nga sulmet e progresistëve të autoritarizmit të drejtësisë shoqërore, perspektivat e tij që të rizgjidhet janë të shkëlqyera. 

Trump duhet të zëvendësojë një yll me një yll tjetër
Sigurisht, ai nuk do të përballet me ndonjë sfidues serioz republikan. 'Loja' e Haley-t për presidencë parashikohet të zhvillohet në vitin 2024 ose më vonë, jo në vitin 2020. Gjatë dy viteve në OKB ku ajo la një shenjë dramatike, ajo e ka mbizotëruar atë pozicion. Qëndrimi shtesë do të ishte i përdorimit të kufizuar. Sipas meje - dhe ky është vetëm një mendim - është se ajo do të shkojë në 'Amerikën e korporatave' për t'u përgatitur financiarisht për një riparaqitje politike më vonë. Trump tani përballet me vendimin se kush do ta zëvendësojë Haleyn në OKB. Mençuria konvencionale do të kërkonte që ai të luante në të sigurt, me një të nominuar më të butë dhe të konfirmueshëm, sidomos pas acarit të fundit të urrejtjes së konfirmimit të Kavanaugh-s. Por, Trump duhet të shkojë me një luftëtar. Në fakt, ai duhet të shkojë me Richard Grenell, ambasadorin e tij të dalluar në Gjermani. Grenell kaloi vitet e George W. Bushit si një figurë e lartë në misionin e SHBA-së në OKB. Ai ishte zëdhënësi i të gjithë ambasadorëve të presidentit Bush atje, përfshirë edhe John Boltonin, i cili tani shërben si këshilltar i sigurisë kombëtare për presidentin Trump. Në mandatin e tij të shkurtër, por të rëndësishëm si ambasadori i SHBA-së në Gjermani, Grenell ka detyruar zyrtarët evropianë të kenë qëndrim të vështirë ndaj Iranit, të cilit ata janë të prirë për t'ia bërë qejfin. Në fakt, Grenell ka bërë shumë për të mposhtur një përpjekje nga qeveritë gjermane, britanike dhe franceze për të minuar sanksionet më të ashpra të SHBA-së mbi industrinë e naftës në Iran lidhur me mbështetjen e Teheranit për xhihadizmin dhe aspiratat e armëve bërthamore. Grenell ka vendosur në heshtje zgjedhjen e kompanive evropiane: të bëjnë biznes me Amerikën apo Iranin, jo me të dyja. Për shqetësimin e qeverive të tyre të padobishme, shumica e kompanive kryesore evropiane kanë zgjedhur Amerikën dhe po kufizojnë biznesin me Iranin. Trump duhet të lejojë qasjen e Grenellit ndaj diplomacisë dhe rezistencës me mediat të vazhdojë me një fushë të zgjeruar në OKB. Si një nga republikanët homoseksualë më të shquar, lëvizja e Grenellit në Nju Jork do të minonte më tej gënjeshtrën progresive që Trump është fanatik dhe ka paragjykime. Ai duhet të zëvendësojë një yll me një yll tjetër.

(Kosova Sot)

4 orë e 7 minuta më parë
16/10/18